وزیراعلی پنجاب دی گلی محلیاں وچ نکاسی آب دا پائیدار نظام وضع کرن دی ہدایت

لہور(پنجابی میڈیا)وزیراعلی پنجاب مریم نواز نے گلی محلیاں وچ نکاسی آب دا پائیدار نظام وضع کرن دی ہدایت کر دتی۔وزیراعلی پنجاب مریم نواز شریف دی زیرصدارت لوکل گورنمنٹ بارے اعلی سطح دا اجلاس ہویا جس وچ ڈرینج و سیوریج سسٹم تے گلیاں دی مرمت وبحالی اُتے بریفنگ دتی گئی، اجلاس وچ مضافاتی آبادیاں وچ سٹریٹ لائٹاں، پارک اینڈ ہارٹیکلچر اُتے پیشرفت دا وی جائزہ لیا گیا۔اجلاس دوران گل بات کر دیاں ہویاں وزیراعلی پنجاب مریم نواز دا کہنا سی کہ لہور دے ہر علاقے وچ بلاامتیاز ڈویلپمنٹ کرائی جائے، کوئی حصہ محروم نہ رہے، شہر دی کوئی گلی کچی نہ رہے، پانی دے نکاس دا پائیدار نظام وی وضع کیتا جائے۔مریم نواز نے آکھیا کہ واسا، ایم سی ایل تے ہور متعلقہ ادارے مربوط تے منظم انداز وچ کم کرن، کسی گلی محلے وچ کھڑے پانی نال عوام نوں ہون والی تکلیف برداشت نہیں۔اونہاں دا ہور کہنا سی کہ ٹٹیاں گلیاں، محلیں تے سڑکاں اُتے کھڑا گندا پانی تے اُبلدے گٹراںنوںویکھنا تکلیف دہ امر اے،سارے ادارے عوام دے مسائل حل کرن وچ کوتاہی نہ کرن۔