15 دناں وچ بجلی دا مسئلہ حل کرن، ریلیف نہ ملیا تے ٹیک اوور کر سکدا ہاں، علی امین گنڈا پور
پشور(بیورورپورٹ)وزیر اعلی خیبرپختونخوا علی امین گنڈا پور نے آکھیا اے کہ 15 دن دا ویلا دے رہیا ہاں بجلی دے مسئلے نوں حل کرن، ریلیف نہیں د نبدے تے میں ٹیک اوور وی کر سکدا ہاں، فیر میں ہی بجلی دا بٹن آن آف کراں گا۔خیبرپختونخوا اسمبلی وچ خطاب کر دیاں ہویاں وزیراعلی خیبرپختونخوا علی امین گنڈا پور نے آکھیا کہ ساڈھے نال ظلم ہویا تے ساڈھے اُتے ہی الزام لائے جا رہے نیں، عوام نے جبر، ظلم، پارٹی نشان کھو جان دے باوجود ساہنوں اکثریت دتی، دھاندلا ہویا انشااللہ حلقے کھلن گے، اسیں سارے تے اپنے حلقے کھولن لئی تیار ہاں۔علی امین گنڈا پور نے آکھیا کہ پی ٹی آئی اُتے جَد ظلم ہویا تَد کسی نوں جمہوریت یاد نہیں آئی؟ پورا پاکستان جان دا اے ساڈھی پارٹی مظلوم اے، وفاق ولوں 300 ارب روپے گھٹ دتے گئے، اج وی وفاق ساہنوںساڈھا حق نہیں دے رہیا۔وزیر اعلی خیبرپختونخوا نے آکھیا کہ وفاق دا ایہ رویہ ناقابل برداشت اے، ایسا نہیں ہوئے گا کہ اسیں ہُن خموش رہواں گے، اسمبلی توں پیغام دے رہا ہاں ساہنوں مجبور نہ کرن، اپنے صوبے دا حق منگ رہیا ہاں، کوئی سمجھدا اے کہ اسیں چپ ہو جاں گے تے ایسا نہیں ہوئے گا۔
