پنجاب حکومت ٹک ٹاک ویڈیو بنان دی بجائے کساناں دے نال کھڑی ہوئے،اسد قیصر

اسلام آباد(بیورورپورٹ)تحریک انصاف دے رہنما اسدقیصرنے پنجاب حکومت اُتے تنقید کر دیاں ہویاں آکھیا اے کہ پنجاب حکومت ٹک ٹاک ویڈیو بنان دی بجائے کساناں دے نال کھڑی ہوئے۔پارلیمنٹ ہاوس دے مرکزی گیٹ اُتے اپوزیشن نے کساناں دے حق وچ احتجاج کیتا ، اپوزیشن دے احتجاجی مظاہرے وچ بیرسٹر گوہرعلی،اسد قیصر،حامد رضا تے ہوررَلتی ہوئے ۔پاکستان تحریک انصاف دے رہنماواں نے پریس کانفرنس کر دیاں ہویاں آکھیا کہ تحریک تحفظ اہل پاکستان دے وفد نے فیصل آباد وچ کساناں دے وفد نال ملاقات کیتی، فیصل آباد توں نکلے تے کسان رہنماواں نوں گرفتار کرلیا گیا، صاحبزادہ حامد رضا نے آکھیا کہ پنجاب دے کسان دے کول اگلی فصل دے پیسے نہیں ہین، پنجاب دے زمیندار دی فصل اونہاں دی زمیناں اُتے پئی اے،جیہڑی خراب ہو رہی اے اوس نوں فوری طور اُتے چُکیا جائے ، حکومت ولوں مقرر کردہ قیمت اُتے وی کنک نہیں خریدی جا رہی۔