ایلیٹ فورس وی نواز تے شہبازشریف دا لایا ہوا بُوٹا اے،وزیراعلی پنجاب

لہور(پنجابی میڈیا)وزیراعلی پنجاب مریم نواز شریف دا کہنا اے کہ ایلیٹ فورس وی نواز شریف تے شہبازشریف دا لایا ہویا بُوٹا اے۔لہور دے بیدیاں ٹریننگ سنٹر وچ ایلیٹ فورس پنجاب دی پاسنگ آٹ پریڈ تقریب داپربندھ کیتا گیا ، وزیراعلی پنجاب مریم نواز بطور اُچیچے پروہنے تقریب وچ رَلتی ہویاں۔تقریب وچ صوبائی کابینہ دے ارکان تے آئی جی پنجاب وی رَلتی ہوئے جدکہ وزیراعلی پنجاب نے پریڈ دا معائنہ وی کیتا۔بعد وچ وزیراعلی پنجاب مریم نواز نے ایلیٹ فورس پنجاب دی پاسنگ آٹ پریڈ دی تقریب نال خطاب کر دیاں ہویاںآکھیا کہ پاسنگ آٹ پریڈ وچ رَلت کرکے جنہی تہاڈے گھر والیاں نوں خوشی ہورہی اے اونہی ہی خوشی مینوں وی ہورہی اے،800کامیاب بال میرے سامنے کھڑے نیں جنہاں وچ عورتاں وی نیں ،کامیاب ہون والیاں نوں مبارکباد پیش کردی ہاں ۔اونہاں نے آکھیاکہ مینوں بطور وزیراعلی تہاڈی پاسنگ آٹ ویکھ کے حوصلہ ملیا، میں تہاڈے ہی وچوں ہاں،تہاڈی یونیفارم پا کے آئی ہاں، ایہ وردی نہیں ایہ قومی خدمت اے جیہڑے گھٹ پُتراں تے دھیاں دے نصیب وچ آندی اے، بہترین کارکردگی وکھان والیاں وچ70عورتاں وی شامل نیں، بہترین کارکردگی وکھان والیاںنوں اپنے ولوں کیش انعام وی گھلاں گی۔