حکومت نے اک وار فیر عوام اُتے بجلی گرا دتی ،ہور1 روپے 47 پیسے مہنگی

اسلام آباد (بیورورپورٹ) بجلی دی قیمت ہور 1 روپے 47 پیسے ودھن دی منظوری دے دتی گئی.نیپرا ذرائع مطابق صارفین توں وصولی اگست ، ستمبر تے اکتوبر وچ ہوئے گی، بجلی کمپنیاں نے پیسے 2023-24 دی تریجی سہ ماہی ایڈجسمنٹ دی مد وچ منگے سن، کیپسٹی چارجز دی مد وچ 31 ارب 34 کروڑ روپے دین دی استدعا کیتی گئی سی۔ذرائع دا کہنا اے کہ آپریشن اینڈ مینٹیننس کاسٹ دی مد وچ5 ارب 57 کروڑ روپے تے ماہانہ فیول کاسٹ ایڈجسمنٹ اُتے ٹرانسمیشن اینڈ ڈسٹری بیوشن امپیکٹ دی مد وچ 12 ارب 38 کروڑ روپے منگے گئے سن۔واضح رہے ایس توں پہلاں نیپرا نے سہ ماہی ایڈجسٹمنٹ تحت بجلی کمپنیاں دی درخواست اُتے سماعت مکمل کیتی سی، نیپرا نے پاور ڈویژن حکام دی درخواست منظور کر دیاں ہویاں بجلی 1 روپے 45 پیسے فی یونٹ ودھان دی منظوری دتی۔