190 ملین پانڈ ریفرنس، بشری بی بی دا عدالت اُتے عدم اعتماد دااظہار
اسلام آباد(بیورورپورٹ)190 ملین پانڈ ریفرنس دی سماعت وچ بشری بی بی نے عدالت اُتے عدم اعتماد ظاہر کردتا، عمران خان تے وکیلاں دے سمجھان اُتے عدم اعتماد ختم کیتا۔احتساب عدالت اسلام آباد دے جج ناصر جاوید راناسامنے 190 ملین پانڈ ریفرنس دی سماعت ہوئی جس وچ بشری بی بی نے روسٹرم اُتے جا کے عدالت اُتے عدم اعتمادظاہر کیتا۔بشری بی بی نے آکھیا کہ پچھلی سماعت میرے بغیر کیتی گئی تے میں انتظار کرسی رہی۔ اوس اُتے عدالت نے آکھیا کہ پچھلی سماعت بغیر کارروائی ملتوی ہوئی سی۔ بشری بی بی نے آکھیا کہ ساہنوں کسی نے سماعت ملتوی ہون اُتے آگاہ نہیں کیتا، میں ناانصافیاں دا شکار ہاں ساہنوں تہاڈے اُتے اعتماد نہیں جداں سابقہ ججاں اُتے نہیں سی۔جج نے آکھیا کہ پچھلی سماعت جیل انتظامیہ دی درخواست اُتے ملتوی کیتی سی۔ عدالت نے ملزمان دے وکیلاں توں پچھیا کہ کیا تُسی وی عدم اعتماد کر دے او؟ ایس اُتے وکیلاں نے استدعا کیتی کہ ساہنوں عدالت اُتے اعتماد اے لیکن موکل توں مشورہ کرن دی اجازت دتی جائے۔اج 190 ملین پانڈ ریفرنس وچ آئے کسی وی گواہ دا بیان قلم بند نہ ہوسکیا، عدالت نے 22 مئی نوں درخواست دی سماعت لئی نوٹس جاری کر دیاں ہویاں سماعت 22 مئی تک ملتوی کردتی۔
