آئی ایم ایف دا پاکستان توں خرچے گھٹ کرن دامطالبہ

اسلام آباد(بیورورپورٹ)عالمی مالیاتی فنڈ(آئی ایم ایف)نے پاکستان دے ذمے قرضیاں اُتے بھاری سود دی ادائیگی نوں معیشت اُتے بوجھ قراردے دتا۔اسلام آباد وچ آئی ایم ایف تے پاکستان دے وچکار نویں بیل آٹ پیکج اُتے مذاکرات جاری نیں۔ آئی ایم ایف نے پاکستان توں خرچے گھٹ کرن دا مطالبہ کر دیاں ہویاں پاکستان دے ذمے قرضیاں اُتے بھاری سود دی ادائیگی نوں معیشت اُتے بوجھ قرار دتا۔ذرائع وزارت خزانہ مطابق اگلے مالی سال قرضیاں اُتے سود 9 ہزار 787 ارب روپے تک جان دا خدشہ اے جدکہ ایس مالی سال قرضیاں اُتے سود دی ادائیگی 8 ہزار 371 ارب روپے تک جا سکدی اے۔ ایس مالی سال ہدف دے مقابلے سود اُتے 1 ہزار 68 ارب وَدھ خرچیاں دا خدشہ اے۔ایس سال بجٹ وچ قرضیاں اُتے سود دی ادائیگی دا ہدف 7 ہزار 303 ارب روپے رکھیا گیا سی تے صرف پہلے 9 مہینے وچ اندرونی تے بیرونی قرضیاں اُتے 5 ہزار 518 ارب روپے سود ادا کیتا گیا۔