جنت مرزا اپنے ہون والے ہمسفر وچ صرف اک خوبی ویکھن دی خواہشمند

لہور(پنجابی میڈیا)پاکستانی خوبصورت اداکارہ، ماڈل و معروف ٹک ٹاکر جنت مرزا نے انکشاف کیتا اے کہ اوہ اپنے ہون والے ہمسفر وچ صرف اک خوبی ویکھن دی خواہشمند نیں۔جنت مرزا نے کجھ دن پہلاں اپنے انسٹاگرام اکائونٹ اُتے اپنے چاہن والیاں ولوں پُچھے گئے دلچسپ سوالاں دا جواب دتا اے۔اداکارہ نے اک سوال دے جواب وچ دسیا اے کہ اوہ فی الحال بالکل سنگل نیں، اک ہور سوال دے جواب وچ اداکارہ دا دسنا سی کہ دنیا وچ اونہاں دا پسندیدہ مقام ناروے اے۔جنت مرزا دے مطابق اونہاں نوں اپنے آپ وچ رہنا پسند اے،اوہ بوہت زیادہ سماجی تعلقات رکھنا پسند نہیں کردیاں۔اک مداح نے اداکارہ توں سوال پچھیا کہ تُسی اپنے شوہر وچ کیہڑیاں خوبیاں ویکھنا پسند کرو گے؟ایس سوال دے جواب وچ معروف ٹک ٹاکر جنت مرزا نے لکھیا کہ میں بوہت زیادہ دی ڈیمانڈ نہیں کر دی، بس میرا ہون والا ہمسفر وفادار ہونا چا ہیدا اے۔