وزیر اعظم شہبازشریف دا ایرانی صدر دے انتقال اُتے اظہارافسوس

اسلام آباد(بیورورپورٹ) وزیراعظم شہباز شریف نے ایرانی صدر ابراہیم رئیسی دے انتقال اُتے گہرے دکھ تے افسوس دا اظہار کیتا اے۔وزیراعظم شہباز شریف نے ایرانی صدر ابراہیم رئیسی تے اونہاں دے رفقا دے ہیلی کاپٹر حادثے وچ جاں بحق ہون اُتے اظہار افسوس کر دیاں ہویاں ملک بھر وچ یوم سوگ تے جھنڈے نیوے رکھن دا اعلان کیتا اے۔سماجی رابطے دی ویب سائٹ (ایکس )اُتے جاری اک بیان وچ اونہاں نے آکھیا کہ ایرانی صدر دے ہیلی کاپٹر حادثے دے بعد مثبت خبر دے انتظار وچ ساں مگر اینج نہیں ہویا، ایس المناک نقصان اُتے پاکستانی قوم تے حکومت ولوں ایران نال افسوس تے اظہارِ تعزیت کردا ہاں ۔وزیراعظم نے آکھیا کہ اللہ شہادت دا رتبہ پان والیاں نوں جنت الفردوس وچ مقام عطا کرے، وزیراعظم ایرانی قوم اپنے روایتی جرات نال ایس عظیم صدمے نوں برداشت کرے گی۔وزیر اعظم شہباز شریف نے مرحوم ابراہیم رئیسی دے پچھلے مہینے پاکستانی دورے نوں یاد کر دیاں ہویاں اوس نوں تریخی قرار دتا۔