آئندہ بجٹ وچ تنخواہواں پوری کرنا وی حکومت دے وَس دی گل نہیں،شیخ رشید

اسلام آباد(بیورورپورٹ)سربراہ عوامی مسلم لیگ و سابق وفاقی وزیر داخلہ شیخ رشید احمد نے آکھیا اے کہ آئندہ بجٹ وچ تنخواہواں پوری کرنا وی حکومت دے وَس دی گل نہیں۔عدالت پیشی اُتے میڈیا نال گل کر دیاں ہویاں سابق وفاقی وزیر شیخ رشید احمد دا کہنا سی کہ ایہنے کیس ہین کہ ہر روز عدالت وچ پیش ہورہے ہاں، مینوں ایہ نہیں معلوم کہ ایہ کیس کیہڑے نیں ، بعد وچ ناں پاندے رہندے ہاں، جمہوریت گھیراوچ اے تے ایہ غیر مقبول حکومت اے۔شیخ رشید نے آکھیا کہ مہنگائی تے خاص طور اُتے بجلی دا بل تباہ کن اے، بجٹ آرہیا اے ایس وچ تنخواہواں پوری کرنا وی اینہاں لوکاں سے بس د گل نہیں، ایس حکومت دی کوئی سن رہیا اے نہ اونہاں وَل ویکھ رہیا اے۔