مولانا فضل الرحمان کوئی ایسا قدم نہ چُکن جس نال ملک دا نقصان ہوئے، گورنر پنجاب

کراچی(بیورورپورٹ)گورنر پنجاب سردار سلیم حیدر نے آکھیا اے کہ مولانا فضل الرحمان دے تحفظات اپنی جگہ درست نیں، اوہ اپنے تحفظات نوں ٹیبل اُتے لیان لیکن کوئی ایسا قدم نہ چُکن جس نال ملک دا نقصان ہوئے ۔گورنر پنجاب سردار سلیم حیدر نے مزار قائد اُتے حاضری دتی، گورنر پنجاب نے مزار قائد اُتے پُھل رکھے، فاتحہ خوانی وی کیتی، گورنر پنجاب سردار سلیم حیدر نے مہماناں دی کتاب وچ اپنے تاثرات قلمبند کیتے۔سردار سلیم حیدر نے آکھیا کہ قائداعظم نے اپنی محنت نال ساہنوں پاکستان جیہاتحفہ دتا، میں نوڈیرو وچ شہید ذوالفقار علی بھٹو تے شہید محترمہ بینظیر بھٹو دے مزار اُتے وی جاواں گا۔