چیف جسٹس دا قیمتی تحفہ توشہ خانہ وچ جمع کروان دا حکم
اسلام آباد(بیورورپورٹ)چیف جسٹس پاکستان قاضی فائز عیسی نے قیمتی تحفہ توشہ خانے وچ جمع کروان دا حکم دے دتا۔رابطہ عالم اسلامی دے سیکرٹری جنرل ڈاکٹر محمد بن عبدالکریم العیسی ولوں چیف جسٹس جسٹس قاضی فائز عیسی نوں قلم باب کعبہ دا قیمتی تحفہ دتا گیا سی۔ چیف جسٹس نے قلم باب کعبہ نوں توشہ خانے وچ جمع کروان دا حکم دے دتا۔ چیف جسٹس نے توشہ خانہ توں قلم باب کعبہ سپریم کورٹ عجائب گھر وچ رکھن دی خواہش ظاہر وی کیتی۔سیکرٹری چیف جسٹس نے سیکرٹری کابینہ ڈویژن نوں ایس ضمن وچ خط لکھیا۔ سیکرٹری کابینہ ڈویژن نے وزیر اعظم توں منظوری لین دے بعد قلم باب کعبہ سپریم کورٹ میوزیم وچ رکھن دی منظوری دے دتی۔ڈاکٹر محمد بن عبدالکریم العیسی نے 8 اپریل نوں چیف جسٹس قاضی فائز عیسی نال ملاقات وچ اونہاں نوں ایہ تحفہ دتا سی ، ڈاکٹر محمد بن عبدالکریم العیسی نے وی قلم سپریم کورٹ میوزیم وچ عوامی نمائش لئی رکھن دی منظوری دتی۔
