پنجاب دے کاشتکاراں توں37 ہزار میٹرک ٹن کنک خرید لئی،محکمہ خوراک کے پی

پشور (بیورورپورٹ)خیبرپختونخوا دے محکمہ خوراک نے پنجاب دے کاشتکاراں توں37ہزار میٹرک ٹن کنک خرید لئی۔خیبر پختونخوا دے محکمہ خوراک مطابق گوداماں وچ پہلاں توں1 لکھ 43 ہزار میڑک ٹن کنک موجود اے تے 30 جون تک 2 لکھ 86 ہزارمیٹرک ٹن کنک خریدی جائے گی۔محکمہ خوراک دا کہنا اے کہ پنجاب دے کاشتکاراں توں37 ہزار میٹرک ٹن تے پاسکو توں وی 1 لکھ 35 ہزارمیٹرک ٹن کنک خریدی گئی اے۔محکمہ خوراک مطابق پشور وچ 22 ہزار تے ڈی آئی خان وچ40 ہزارمیٹرک ٹن کنک خریدن دا ہدف مقرر کیتا گیا اے جَدوں کہ نوشہرہ وچ 74 ہزار تے مردان وچ 30 ہزار میٹرک ٹن کنک خریدی جائے گی۔محکمہ خوراک دا کہنا اے کہ صوبے دے سرکاری گوداماں وچ 5 لکھ میٹرک ٹن کنک ذخیرہ کرن دی گنجائش اے۔