پاکستان نے ابراہیم رئیسی جیہا مخلص دوست کھودتا،وزیراعظم

اسلام آباد(بیورورپورٹ)وزیر اعظم شہباز شریف نے آکھیا کہ ابراہیم ریئسی جید عالم تے صاحب بصیرت رہنما سن، پاکستان نے مخلص تے بھائیاں جیہا دوست کھودتا۔وزیراعظم محمد شہباز شریف دی زیر صدارت وفاقی کابینہ اجلاس ہویا، جس وچ ایرانی صدر، وزیر خارجہ تے اونہاںدے رفقا لئی دعائے مغفرت کیتی گئی۔وفاقی کابینہ دے اجلاس وچ ا ظہار خیال کر دیاں ہویاں وزیراعظم شہبازشریف نے آکھیا کہ پوری پاکستانی قوم غم دی گھڑی وچ ایران دے نال کھڑی اے ، ایرانی صدر تے اونہاں دے رفقا دے انتقال اُتے قوم اونہاں دے غم وچ برابر دی رَلتی اے۔وزیراعظم نے آکھیا کہ پچھلے مہینے ڈاکٹر ابراہیم رئیسی دا دورہ پاکستان انتہائی شاندار تے تریخی سی، دورے اُتے دوناں پاسیاں دے تجارتی حجم10ارب تک لے جان اُتے اتفاق کیتاگیا ، اونہاں دا دورہ پاکستان دوناں پاسیاں دے تعلقات نوں ہور مضبوط کرن لئی سنگ میل سی۔