ملک وچ ٹیکس چوری نوں لوگ بدعنوانی تے کرپشن نہیں سمجھدے،خواجہ آصف

اسلام آباد(بیورورپورٹ)وفاقی وزیر دفاع خواجہ آصف نے آکھیا اے کہ ساڈھے ملک وچ ٹیکس چوری نوں کرپشن تے بدعنوانی نہیں سمجھیا جاندا اے۔اسلام آباد وچ تقریب نال خطاب کر دیاں ہویاں وزیر دفاع خواجہ آصف نے آکھیا اے کہ ٹیکس چوری روکن لئی اقدام کیتے جارہے نیں، تُسی 36ہزار ارب ٹیکس اکٹھا کرسکدے او، اگر تُسی ٹھیک نال ٹیکس اکٹھا کرلوو تے کسی آئی ایم ایف دی لوڑ نہیں اے۔اونہاں نے آکھیا کہ ٹیکس چوری کرن والے اسمبلیاں تک پہنچ گئے، ساڈھے ملک وچ ٹیکس چوری نوں جرم ہی نہیں سمجھیا جاندا اے، ایف بی آر جناں ٹیکس اکٹھا کردا اے اوس توں3گنا وَدھ اکٹھا کیتا جاسکدا اے۔