چینی دی قیمت کسی صورت وَدھن نہیں دیاں گے، وزیراعظم شہباز شریف

اسلام آباد(بیورورپورٹ)وزیر اعظم شہبازشریف نے آکھیا اے کہ چینی دی قیمت کسی صورت وَدھن نہیں دیاں گے، درآمد کا فیصلہ اقتصادی رابطہ کمیٹی کرے گی۔وزیراعظم شہباز شریف دی زیر صدارت چینی دی برآمد بارے معاملات دا جائزہ لین لئی خصوصی اجلاس ہویا،اجلاس وچ وزیر اعظم نوں بریفنگ دتی گئی کہ کرشنگ شروع نہ ہوئی تے آئندہ سیزن وچ شوگرملاں دیوالیہ ہوجان گیاں، وزیر اعظم نوںدسیا گیا کہ آئندہ سیزن وچ مالی مسائل پاروں40شوگر ملاں بند ہون دے نیڑے ہین ۔بریفنگ وچ ایہ وی دسیا گیا کہ شوگر ملاں نے ایس سیزن گنے دی کاشت کاراں نوں 800 ارب روپے وچوں760 ارب روپے ادا کیتے ملاں نے ایس سیزن کاشت کاراں نوں اجے وی 40 ارب روپے ادا کرنا ہین،اگر چینی برآمد نہ ہوئی تے شوگر ملاں نومبر وچ کرشنگ نہیں کرسکن گیاں۔