وزیراعظم شہباز شریف سرکاری دورے اُتے ابوظہبی اپڑگئے
اسلام آباد( بیورورپورٹ)وزیراعظم محمد شہباز شریف اک روزہ سرکاری دورے اُتے ابوظہبی اپڑ گئے۔ابوظہبی پہنچن اُتے نائب صدر، نائب وزیرِ اعظم و چیئرمین صدارتی دربار عزت مآب شیخ منصور بن زاید النہیان نے وزیرِ اعظم دا پرتپاک استقبال کیتا، استقبالیے وچ متحدہ عرب امارات وچ پاکستانی سفیر فیصل نیاز ترمزی، پاکستان وچ اماراتی سفیر حماد عبید ابراہیم الزعابی تے اعلی پاکستانی و اماراتی حکام وی رَلتی سن۔نائب وزیراعظم و وزیر خارجہ اسحاق ڈار ، وفاقی وزیر دفاع خواجہ آصف، وفاقی وزیر تجارت جام کمال خان ، وفاقی وزیر اطلاعات و نشریات عطا اللہ تارڑ تے وزیراعظم دے معاون خصوصی طارق فاطمی وی وزیراعظم دے ہمراہ نیں۔ترجمان دے مطابق ایہ وزیراعظم دا اپنے چناو دے بعد متحدہ عرب امارات دا پہلا دورہ ہوئے گا، وزیراعظم دے ہمراہ کابینہ دے اہم وزیراں اُتے مشتمل اک اعلی سطح وفد وی ہوئے گا۔
