عمران خان دے خلاف سنگین غداری دے مقدمے دی درخواست خارج
کوئٹہ(بیورورپورٹ)بانی پی ٹی آئی دے خلاف بلوچستان ہائی کورٹ نے سنگین غداری دے مقدمے بارے درخواست خارج کرد تی۔بانی پی ٹی آئی عمران خان دے خلاف پٹیشن امان اللہ کنرانی ایڈووکیٹ نے دائر کیتی سی، درخواست گزار نے اسمبلی نوں غیر آئینی طریقے نال توڑن اُتے بانی پی ٹی آئی دے خلاف آرٹیکل 6 تحت سنگین غداری دا مقدمہ چلان دی اپیل کیتی سی۔عمران خان دے وکیل اقبال شاہ ایڈووکیٹ نے ہائیکورٹ دے دائرہ اختیار اُتے اعتراض کیتا سی، پٹیشن دی سماعت چیف جسٹس ہاشم خان کاکڑ تے جسٹس شوکت رخشانی اُتے مشتمل بینچ نے کیتی۔عدالت عالیہ بلوچستان نے دائرہ اختیار نہ ہون اُتے درخواست نوں نمٹا ندیاں ہویاں خارج کردتی۔
