عوامی فلاح و بہبود دا ہر سیکٹر میری ترجیح اے،مریم نواز

لہور(پنجابی میڈیا)وزیر اعلی پنجاب مریم نواز شریف نے آکھیا اے کہ عوامی فلاح و بہبود دا ہر سیکٹر میری ترجیح اے۔وزیر اعلی پنجاب مریم نوازشریف نال رکن قومی اسمبلی شذرہ منصب تے سابق ایم این اے چودھری عابد رضا کوٹلہ نے ملاقات کیتی جس وچ ننکانہ صاحب تے گجرات دے ترقیاتی کماں اُتے تبادلہ خیال کیتا گیا، ایس موقع اُتے معاون خصوصی ذیشان ملک وی موجود سن۔ملاقات دے دوران مریم نواز نے عوامی مسائل حل کرن دی یقین دہانی کرائی، لیگی رہنماواں نے مہنگائی نوں ریلیف دی کوشش اُتے وزیر اعلی پنجاب نوں خراج تحسین پیش کیتا۔وزیراعلی پنجاب مریم نواز داکہنا سی کہ عوامی فلاح و بہبود دا ہر سیکٹر میری ترجیح اے، عوام دے مسائل ہر صورت حل ہون گے، مسائل دا حل تے ترقی عوام دا حق اے، کسی دااحسان نہیں۔