جیل توں منظم پروپیگنڈا پورے ملک وچ پھیلایا جا رہیا اے،عظمی بخاری
لہور(پنجابی میڈیا)وزیراطلاعات و نشریات پنجاب عظمی بخاری نے آکھیا اے کہ جیل توں منظم پروپیگنڈا پورے ملک وچ پھیلایا جا رہیا اے، فضول قسم دا الزام لا ندے نیں کہ مینوں زہر دتا جائے گا۔میڈیا نال گل بات کر دیاں ہویاں وزیراطلاعات و نشریات پنجاب عظمی بخاری نے آکھیا کہ ساڈھے اک پروہنے اڈیالہ جیل وچ نیں، اڈیالہ جیل والے پروہنے پاکستان نوںلکھاں وچ پیندے نیں، ایہ وَکھ پروپیگنڈا اے کہ مینوں کسی نوں ملن نہیں دتا جا رہیا۔اونہاں نے آکھیا کہ مسئلہ ایہ نہیں کہ اونہاں نوں ملن کون جا رہیا اے، مسئلہ ایہ اے کہ اوتھوںباہر کیہ آ رہیا اے، لوگ ملاقات دے بعد باہر آ کے کہندے نیں ایہ بانی پی ٹی آئی دا پیغام اے، اک منظم پروپیگنڈانوں جیل توں شروع کر کے پورے ملک وچ پھیلایا جا ندا اے۔عظمی بخاری نے آکھیا کہ اک فضول قسم دا الزام لاندے نیں کہ مینوں زہر دتا جائے گا، اشتعال انگیزی تے اداریاں خلاف مہم چلانا ایس پارٹی دا ایجنڈا اے، جنہاں نوں اج کل نوا نوا انقلاب آیا ہویا اے اوہ ملک دا نہیں سوچ رہے، بانی پی ٹی آئی نے ایس ملک وچ کیہڑیاں دودھ تے شہد دیاں نہراں بہادتیاں سنں؟صوبائی وزیر نے آکھیا کہ ٹیلی گراف وچ کالم چھپدا اے تے اوس وچ درج ہُندا اے مینوں مار دتا جائے گا، ایہ شخص ذہنی بیماری دا شکار اے جس دا تماشہ پوری دنیا ویکھ رہی اے، پاکستان دی سلامتی عوام لئی سب توں وَدھ معنی رکھدی اے ، پاکستان اے تے اسیں ہاں۔
