چیئرمین پی سی بی نے ٹی 20 ورلڈکپ لئی قومی سکواڈ دا اعلان روک دتا
لہور(پنجابی میڈیا)چیئرمین پاکستان کرکٹ بورڈ محسن نقوی نے ٹی 20 ورلڈکپ لئی قومی ٹیم دا اعلان روک د تا۔اگلے مہینے امریکا تے ویسٹ انڈیز وچ شروع ہون والے ٹی 20 ورلڈکپ لئی قومی ٹیم دا اعلان اج متوقع سی۔ذرائع مطابق محسن نقوی نے قومی ٹیم دی سلیکشن دے عمل اُتے نراضی ظاہرکیتی اے۔ذرائع دا کہنا اے کہ چیئرمین پی سی بی محسن نقوی نے کھیڈاریاں دے ناماں اُتے اعتراض نہیں کیتا بلکہ باقاعدہ میٹنگاں نہ ہون اُتے نراضی ظاہر کیتی اے تے ایس معاملے اُتے محسن نقوی نے خط ذریعے سلیکشن کمیٹی توں جواب منگ لیا۔ذرائع دا کہنا اے کہ ٹیم دے چناو لئی کسی اجلاس دی کارروائی کے منٹس محسن نقوی تک نہ پہنچائے گئے جس اُتے اونہاں نے نراضی ظاہر کر دیاں ہویاں ایس معاملے دا نوٹس لیا۔
