نوازشریف دا یوم تکبیر اُتے وڈھے اجتماع نال خطاب دا فیصلہ

لہور(پنجابی میڈیا)نوازشریف نے یوم تکبیر دے موقع اُتے وڈھے اجتماع نال خطاب دا فیصلہ کیتا اے۔ذرائع مطابق 5ہزار توں وَدھ لیگی عہدیداراں تے بلدیاتی نمائندیاں نوں لہوربلا لیا گیا، جنرل کونسل اجلاس نوں عوامی رنگ دین لئی وڈھی تعداد وچ کارکناں نوں اکٹھا کرن دا فیصلہ کیتا اے ،قائد مسلم لیگ ن نوازشریف پارٹی صدارت سنبھالن دے بعد تنظیمی تے آئینی معاملات اُتے کھل کے خطاب کرن گے۔پارٹی ذرائع دا ہور کہنا سی کہ نوازشریف ملک گیر دوریاں بارے وی اعلان کرن گے، نوازشریف آزاد کشمیر ،گلگت بلتستان تے چاراں صوبیاں دا دورہ کرن گے، گرم موسم دے پیش نظر جنرل کونسل دا اجلاس ماڈل ٹاون دی بجائے نجی ہوٹل وچ ہوئے گا۔