وزیراعلی خیبر پختونخوا علی امین گنڈاپور دی وزیر داخلہ محسن نقوی نال ملاقات
اسلام آباد(بیورورپورٹ)وزیر اعلی خیبر پختونخوا علی امین گنڈا پور نے وفاقی وزیر داخلہ محسن نقوی نال ملاقات کیتی۔خیبر پختونخوا دے وزیر اعلی علی امین گنڈاپور نے وزارت داخلہ دا دورہ کیتا، ایس موقع اُتے علی امین گنڈا پور نے وفاقی وزیر داخلہ محسن نقوی نال ملاقات کیتی، وزیر توانائی اویس لغاری وی ملاقات وچ موجود سن۔ملاقات دے دوران صوبہ خیبر پختونخوا دی موجودہ صورتحال اُتے تبادلہ خیال کیتا گیا جس وچ بجلی دی لوڈشیڈنگ تے ہور مسائل بارے اہم پیشرفت ہوئی۔وفاقی وزیر تے وزیراعلی خیبر پختونخوا نے سارے معاملات مل بیٹھ کے حل کرن اُتے اتفاق کیتا، وفاقی وزیر تے علی امین گنڈا پور نے کل بروز (پیر) نوں دوبارہ ملاقات دا فیصلہ وی کیتا اے۔
