پاکستان تائیوان اُتے چینی موقف دی اصولی حمایت کردا رہے گا،وزیراعظم

اسلام آباد(بیورورپورٹ)وزیراعظم شہباز شریف نے آکھیا اے کہ بطور آئرن برادر پاکستان نے تائیوان اُتے چینی موقف دی اصولی حمایت کیتی تے کردا رہے گا۔اپنے اک بیان وچ وزیرِ اعظم شہباز شریف دا کہنا سی کہ پاکستان اک چائنا پالیسی اُتے عمل پیرا اے، پاکستان تائیوان نوں عوامی جمہوریہ چین دا ناقابلِ تنسیخ حصہ تسلیم کردا اے،اونہاں نے آکھیا کہ قومی اتحاد لئی پاکستان چینی حکومت دی کوششاں دی حمایت کردا اے،وزیراعظم دا ہور کہنا سی کہ تائیوان وچ نام نہاد الیکشن یا خود ساختہ حکومت دی منتقلی تائیوان اُتے حقائق تبدیل نہیں کر دی۔