فخر زمان 2 توں 3 اوورہور بیٹنگ کرلیندے تے میچ دا نتیجہ کجھ ہورہُندا،بابراعظم

لہور(پنجابی میڈیا)انگلینڈ ہتھوں دُوجے ٹی ٹوئنٹی وچ شکست دے بعد پاکستان کرکٹ ٹیم دے کپتان بابر اعظم دا کہنا اے کہ فخر زمان 2 توں3 اوور تے بیٹنگ کرلیندے تے میچ دا نتیجہ مختلف ہُندا۔انگلینڈ ہتھوں شکست دے بعد پوسٹ میچ پریزنٹیشن وچ گل بات کر دیاں ہویاں کپتان بابر اعظم دا کہنا سی کہ ساڈھے فاسٹ بولراں نے چنگی بولنگ کیتی لیکن بیٹنگ وچ ویسا نہیں کرسکے جس پاروںمیچ نا جت سکے۔بابر اعظم نے آکھیا کہ ساڈھی اک چھوٹی پارٹنر شپ لگی لیکن اوس دے بعد آن والے کھیڈاری بہتر نا کرسکے، اگر مڈل آرڈروچوں کوئی 40 توں 50 سکور کردا تے اسیں میچ جت سکدے ساں۔اونہاں نے آکھیا کہ جس طرح فخر زمان بیٹنگ کررہے نیں اوہ ٹیم لئی چنگا اے، اگر میں تے فخر 2 ،3 اووراں تک ہور کھیڈ لیندے دے تے رزلٹ مختلف ہُندا۔