ریاست لوکاں نوں تحفظ دین وچ مکمل نکام ہو چکی اے،پشور ہائی کورٹ

پشور(بیورورپورٹ) لاپتا افرادبارے کیس دی سماعت دے دوران عدالت نے ریمارکس د تے کہ ریاست لوکاں نوں تحفظ دین وچ مکمل نکام ہو چکی اے۔حیات آباد توں الکوزی خاندان دے افراد دے لاپتا ہون بارے دائر درخواست اُتے سماعت پشور ہائی کورٹ دے جسٹس اعجاز انور نے کیتی، جس وچ حیات آباد توں4بھائی اغوا کیس دے وکیل محمد نادر شاہ تے ایڈووکیٹ جنرل شاہ فیصل اتمان خیل پیش ہوئے۔دوران سماعت عدالت نے پلس ولوں بنائی گئی کمیٹی دی پروگریس رپورٹ آئندہ پیشی اُتے پیش کرن دا حکم جاری کردتا۔جسٹس اعجاز انور نے اپنے ریمارکس وچ آکھیا کہ اسٹیٹ اگر ایسا کم شروع کرے تے لوگ فیر کیتھے جان؟کاروباری افراد دے اغوا دے ذمہ دار سی سی پی تے ایس ایس پی نیں۔ اغو کار صرف سہولت کار نیں، ایہ معاملہ انک ا گھریلو لگدا اے ملک وچ لوکاں نوںتحفظ دین وچ اسٹیٹ مکمل نکام ہو چکی اے۔ خیبر پختونخوا توں98 فیصد کاروباری افراد نے کاروبار چھڈ دتا اے۔ بعد وچ عدالت نے کیس دی سماعت 10 جون تک ملتوی کردتی۔