وزیراعظم نال سعدرفیق دی ملاقات، سیاسی تے معاشی صورتحال اُتے گل بات
لہور(پنجابی میڈیا)وزیراعظم شہبازشریف نال سابق وفاقی وزیر خواجہ سعد رفیق نے ملاقات کیتی۔وزیراعظم شہباز شریف تے سابق وزیر خواجہ سعد رفیق دے وچکار ہون والی ملاقات اندر ملک دی مجموعی سیاسی و معاشی صورتحال اُتے تبادلہ خیال کیتا گیا۔ایس دے علاوہ وزیر اعظم محمد شہباز شریف نال وزیراعظم یوتھ پروگرام دے چیئرمین رانا مشہود احمد نے وی ملاقات کیتی۔یاد رہے کہ پچھلے دناں وزیراعظم شہباز شریف نال پاکستان پیپلز پارٹی دے وفد نے ملاقات کیتی سی جس وچ ملک دی مجموعی سیاسی صورتحال بارے تبادلہ خیال تے مالی سال25-2024 دے بجٹ بارے مشاورت کیتی گئی سی۔
