وزیراعلی پنجاب دا وزیرآباد وچ طالب علماں نال اجتماعی زیادتی دا نوٹس، رپورٹ طلب
لہور(پنجابی میڈیا)وزیراعلی پنجاب مریم نواز نے وزیرآباد وچ 2 افراد دی سیکنڈ ایئر دی طالبہ نال اجتماعی زیادتی دے واقعہ دانوٹس لے لیا۔وزیراعلی پنجاب نے طالب علماں نال مبینہ اجتماعی زیادتی دے واقعے بارے انسپکٹر جنرل پلس توں رپورٹ منگ لئی ، ایس حوالے نال مریم نواز نے آکھیا اے کہ واقعہ وچ ملوث ملزماں نوںکیفر کردار تک پہنچایا جائے گا۔دُوجے پاسے وزیرآباد پلس نے طالبہ نال مبینہ زیادتی دامقدمہ درج کر لیا، ایف آئی آر دے متن مطابق ملزماں نے طالبہ نوں اغوا کر کے زیادتی کیتی تے ویڈیو وی بنائی۔پلس حکام دا کہنا اے کہ واقعہ دی تحقیقات جاری اے، ملزماں خلاف سخت کارروائی عمل وچ لیائی جائے گی۔
