یومِ تکبیر ملکی دفاع لئی اک جھنڈے تھلے اکھٹے ہون دی یاد دلاندا اے،وزیراعظم

اسلام آباد(بیورورپورٹ)وزیراعظم شہباز شریف نے آکھیا کہ یومِ تکبیر سیاسی تے دفاعی قوتاں دے ایس ملک دے دفاع نوں مضبوط بنان لئی اک جھنڈے، سبز ہلالی جھنڈے تھلے متحد ہون دی یاد دلاندا اے، یوم تکبیر پاکستانی قوم دے ملکی دفاع نوںناقابل تسخیر بنان لئی اتحاد دی یاد دلاندا اے۔یوم تکبیر اُتے پیغام وچ وزیر اعظم نے آکھیا کہ اج دے دن پوری قوم نے فیصلہ کیتا کہ ملکی دفاع اُ تے کسی قسم دا بیرونی دبا قبول کر کے سمجھوتہ نہیں کیتا جائے گا، یوم تکبیر باہر دے دشمناں دے نال نال ایسے اندرونی دشمن جیہڑے ملک وچ انتشار دی سیاست نال ملک نوں خطرے توں دوچار کرنا چا ہندے نیں دے ناپاک عزائم نوں ہمیشہ نکام بنان دے عہد دی تجدید دا دن اے۔