نیب دا40روزہ جسمانی ریمانڈ دا قنون واپس لیا جائے،سعدرفیق

لہور(پنجابی میڈیا)رہنما مسلم لیگ (ن) تے سابق وفاقی وزیر خواجہ سعد رفیق نے آکھیا اے کہ نیب دا40روزہ جسمانی ریمانڈ دا قنون افسوسناک اے، واپس لیا جائے۔سماجی رابطے دی ویب سائٹ اُتے اپنے پیغام وچ خواجہ سعد رفیق دا کہنا سی کہ مختلف فوجی سول تے جوڈیشل ڈکٹیٹرز نے ایسے شرمناک سیاسی مقصد لئی استعمال کیتا، بوہت سارے بے گناہواں نوں اوس دا شکار بننا پئیا۔اونہاں نے آکھیا کہ نیب قنون اک آمر دا بنایا ہویا کالا قنون اے اوس دی حمایت نہیں کیتی جا سکدی، 14 روزہ جسمانی ریمانڈنوں 40 روز کرن دا قنون افسوسناک اے، واپس لیا جائے۔واضح رہے کہ پچھلے دناں حکومت نے نیب آرڈیننس وچ اک وار فیر ترمیم کیتی اے، نیب ترمیمی آرڈیننس تحت نیب دا ریمانڈ 14 دناں توں ودھا کے 40 دن کیتا گیا اے۔