9مئی قوم دے نہ جھکن تے چیلنجاں توں نمٹن دے عزم دا دن اے،حمزہ شہباز

لہور(پنجابی میڈیا)سابق وزیراعلی پنجاب و نائب صدر مسلم لیگ ن حمزہ شہباز نے آکھیا اے کہ 28 مئی پاکستانی قوم دے نہ جھکن تے چیلنجاں توں نبردآزمائی دے عزم دا دن اے۔یوم تکبیر اُتے اپنے خصوصی پیغام وچ لیگی نائب صدر حمز شہباز دا کہنا سی کہ یوم تکبیر پاکستانی قوم دے وقار دی سربلندی تے ناقابل تسخیر دفاع دی علامت اے، نواز شریف دی قیادت وچ قوم نے دنیا نوں دس دتا کہ پاکستان دی سلامتی تے قومی حمایت اُتے کوئی سمجھوتا نہیں ہو سکدا۔اونہاں نے آکھیا کہ اللہ تعالی دا شکر اے اوس نے مسلم لیگ ن دی قیادت نوں ایہ شرف بخشیا کہ اوہ پاکستان نوں دنیا دی پہلی اسلامی ایٹمی طاقت بنائے، قوم اج اپنی جوہری صلاحیت لئی اونہاں ساریاں افراد دی ممنون اے جنہاں نے ایس وچ کسی وی موقع تے حیثیت وچ اپنا کردار ادا کیتا۔