پنجاب وچ کاشتکار نوںہر صورت کھاد فراہم کران گے،مریم نواز

لہور(پنجابی میڈیا)وزیراعلی پنجاب مریم نواز نے آکھیا اے کہ کاشتکار نوں ہر صورت کھاد فراہم کراں گے۔وزیر اعلی پنجاب مریم نواز دی زیر صدارت اُچیچا اجلاس ہویا جس وچ صوبے اندرکھاد دی لوڑ تے دستیابی دی صورت حال دا جائزہ لیا گیا۔دوران اجلاس بریفنگ وچ دسیا گیا کہ پنجاب وچ یوریا کھاد دی ڈیمانڈ تے پیداوار تقریبا 65 لکھ ٹن اے، ملکی پیداوار دا تقریبا 70 فیصد یوریا کھاد پنجاب وچ ربیع تے خریف دی فصل لئی استعمال ہندی اے۔مریم نواز نے کھاد دے ریٹ گھٹ کرن دے رجحان اُتے اطمینان ظاہر کیتا تے کھاد دی ذخیرہ اندوزی تے غیر قنونی نقل و حمل روکن لئی سخت تے موثر اقدام یقینی بنان داحکم دتا۔اجلاس وچ کاشتکاراں نوں کھاد دی دستیابی یقینی بنان لئی فول پروف طریقہ کار اختیار کرن دی لوڑ اُتے زور دتا گیا۔