28مئی پاکستان دے دفاع نوں ناقابلِ تسخیر بنان دے عہد دی تجدید دادن اے،سردارایازصادق
اسلام آباد(بیورورپورٹ)سپیکر قومی اسمبلی سردار ایاز صادق نے آکھیا اے کہ یوم تکبیر پاکستان دے دفاع نوں ناقابلِ تسخیر بنان دے عہد دی تجدید دا دن اے۔یوم تکبیر اُتے اُچیچے پیغام وچ سپیکر قومی اسمبلی سردار ایاز صادق نے آکھیا کہ یوم تکبیر اُتے پوری قوم نوں دلی مبارکباد پیش کر دا ہاں،28 مئی والے دن ملک خداداد پاکستان نوں اک منفرد اعزاز حاصل ہویا، اج دے دن پاکستان دنیا دا ستواں تے مسلم دنیا دا پہلا ایٹمی ملک بن کے ابھریا، یوم تکبیر ملکی تریخ دا اک اہم سنگ میل اے۔اونہاں نے آکھیا کہ یوم تکبیر ساڈھے قومی دفاع، خودمختاری تے غیر متزلزل عزم دی عکاسی کر دا اے، 28 مئی دا دن ساہنوں ایس عظیم کامیابی سی یاد دلاندا اے جدوں پاکستان نے اپنی دفاعی صلاحیت دا لوہا منوایا، یوم تکبیر ساڈھے قومی عزم، حوصلے تے اتحاد دی علامت اے۔
