یوم تکبیر پاکستانی قوم ہی نہیں عالم اسلام لئی وی فخر دادن اے،مریم نواز

لہور(پنجابی میڈیا)وزیراعلی پنجاب مریم نواز نے آکھیا اے کہ یوم تکبیر پاکستانی قوم ہی نہیں عالم اسلام لئی وی فخر دا دن اے۔یوم تکبیر دے تریخ ساز دن اُتے خصوصی پیغام وچ وزیراعلی پنجاب مریم نواز نے آکھیا کہ قوم نوں مبارک باد پیش کر دی ہاں، دفاع وطن دا مشن سر انجام دین والی ٹیم دے ہر فرد نوں سلام، پاکستان نوںپہلی ایٹمی طاقت بنان والے نواز شریف نوں وی سلام۔مریم نواز دا کہنا اے کہ یوم تکبیر پاکستانی قوم ہی نہیں عالم اسلام لئی فخر دا دن اے، ایٹمی پروگرام پاکستان دے مضبوط دفاع دی علامت اے۔اونہاں دا کہنااے کہ پاکستانی قوم اج وی نواز شریف دے جرات مندانہ فیصلیاں دی معترف اے، مضبوط دفاع لئی پاکستان نوں ایٹمی طاقت بنایا، ہُن اقتصادی لحاظ نال ناقابل تسخیر بنانا ساڈھا مشن اے۔وزیراعلی پنجاب دا ایہ وی کہنا اے کہ نواز شریف وِکیا نہیں، جُھکیا نہیں، ایسے عظیم شخص دی دِھی ہون اُتے فخر اے، اج ساہنوں اتحادو یکجہتی، محنت و ہمت برداشت و رواداری دے عزم داعہد کرنا اے۔