وزیراعظم نے کابینہ کمیٹی برائے خصوصی سرمایہ کاری سہولت کونسل تشکیل دے دتی

اسلام آباد(بیورورورپورٹ)وزیراعظم شہباز شریف نے کابینہ کمیٹی برائے خصوصی سرمایہ کاری سہولت کونسل (ایس آئی ایف سی)تشکیل دے دتی۔کابینہ ڈویژن نے کابینہ کمیٹی برائے ایس آئی ایف سی دی تشکیل دا نوٹیفکیشن جاری کر د تا۔نوٹیفکیشن تحت وزیراعظم شہباز شریف خصوصی سرمایہ کاری سہولت کونسل کابینہ کمیٹی دے چیئرمین ہون گے، آرمی چیف جنرل سید عاصم منیر تے وزیر اعلی وی کابینہ کمیٹی وچ شامل ہون گے۔کابینہ کمیٹی وچ 12کابینہ اراکان تے 6 اراکان باہروں ہون گے، دفاع، خزانہ، منصوبہ بندی و ترقیات، آئی ٹی، فوڈ سکیورٹی، پانی و بجلی، قنون و انصاف، سرمایہ کاری، صنعت و پیداوار تے پٹرول دے وزیر کمیٹی وی شامل ہون گے۔نوٹیفکیشن مطابق کابینہ کمیٹی دے فیصلے وفاقی کابینہ وچ پیش ہون گے، کابینہ کمیٹی دا سیکرٹریٹ ایس آئی ایف سی دے آفس وچ ہوئے گا، کمیٹی رولز آف بزنس 1973 تحت قائم کیتی گئی اے۔