سابق وزیراعظم نواز شریف 6 ورھیاں بعد اک وارفیر(ن)لیگ دے صدرمنتخب

لہور(پنجابی میڈیا)سابق وزیراعظم نوازشریف6ورھیاں بعد اک وار فیر پارٹی دے صدر بن گئے۔(ن) لیگ دے سابق صدر شہباز شریف دے پارٹی عہدے توںاستعفے دے بعد نویں صدر دے چنائو لئی الیکشن ہویا جس وچ پارٹی صدر دے عہدے لئی نواز شریف دے 8 کاغذات نامزدگی جمع کرائے گئے، نواز شریف دے چاراں صوبیاں توں وَکھ وَکھ کاغذات نامزدگی جمع کرائے گئے۔آزاد کشمیر، گلگت بلتستان تے اسلام آباد توں وی نواز شریف دے کاغذات نامزدگی جمع کرائے گئے، سندھ توں(ن) لیگ دے صدر بشیر میمن، خیبرپختونخوا توں امیر مقام تے بلوچستان توں سردار یعقوب نے نواز شریف دے کاغذات جمع کرائے۔پارٹی صدر دے امیدوار لئی کاغذات نامزدگی جمع کران دا ویلا صبح 10 توں12وجے تک دا سی، جمع کرائے گئے کاغذات نامزدگی دی جانچ دن2 وجے تک کیتی گئی۔