وزیراعظم نے بجلی دی غیر اعلانیہ لوڈشیڈنگ ختم کرن دا حکم دے دتا

اسلام آباد(بیورورپورٹ)وزیراعظم شہباز شریف نے بجلی دی غیر اعلانیہ لوڈشیڈنگ ختم کرن دا حکم دے دتا۔وزیراعظم شہباز شریف دی زیر صدارت لوڈشیڈنگ تے بجلی چوری روکن بارے اجلاس ہویا، اجلاس وچ وزیراعظم نے غیر اعلانیہ لوڈشیڈنگ ختم کرن دی ہدایت کر دیاں ہویاں آکھیا کہ نقصان وچ چلن والے فیڈراں اُتے وی لوڈشیڈنگ دا دورانیہ گھٹ کیتا جائے۔وزارت توانائی نے وزیر اعلی خیبرپختونخوا علی امین گنڈاپور نال ہونے والی ملاقات اُتے وی اجلاس نوں بریف کیتا گیا۔بریفنگ وچ دسیا گیا کہ وزیر اعلی خیبرپختونخوا نے بجلی چوری گھٹ کرن دی یقین دہانی کرائی اے، وزیر اعظم نے علی امین گنڈاپور نال ہون والی ملاقات وچ پیشرفت نوں سراہیا۔وزیر اعظم شہباز شریف نے آکھیا کہ گرمی دی شدت پاروں لوکاں نوں پریشانی دا سامنا اے، بجلی چوری روکنا ساریاں متعلقہ اداریاںدی ذمہ داری اے، لو کاں نوںگرمی وچ ریلیف دتا جائے۔