عدت وچ نکاح کیس: خاور مانیکا دے عدم اعتماد اُتے جج دا کیس ٹرانسفر لئی ہائیکورٹ نوں خط

اسلام آباد (بیورورپورٹ)ڈسٹرکٹ اینڈسیشن کورٹ اسلام آباد شاہ رخ ارجمند بانی پی ٹی آئی عمران خان تے بشری بی بی دی عدت وچ نکاح کیس وچ سزا دے خلاف اپیلاں اُتے محفوظ فیصلہ سنائے بغیر چلے گئے۔عدت وچ نکاح کیس وچ سزا دے خلاف دائر اپیلاں اُتے سماعت سیشن جج شاہ رخ ارجمند دی عدالت وچ ہوئی۔کیس دی سماعت شروع ہوئی تے جج شاہ رخ ارجمند نے استفسار کیتا سرکاری وکیل رضوان عباسی آئے نیں یا نہیں ؟ جس اُتے معاون وکیل نے دسیا کہ رضوان عباسی سپریم کورٹ وچ نیں، تھوڑا ویلا دے دیو۔سیشن جج شاہ رخ ارجمند نے ریمارکس د تے کہ 9 وجے دا ویلا دتا سی، رضوان عباسی نوں آنا چا ہیدا سی، جس اُتے معاون وکیل دا کہنا سی رضوان عباسی دلائل دینا چا ہندے نیں لیکن اونہاں نوں سپریم کورٹ جانا پہ گیا۔عدالت نے پچھیا رضوان عباسی کَدوں تک آن گے؟ تے فیر جج نے اونہاں نوں ساڑھے10 وجے تک پیش ہون دی ہدایت کیتی، رضوان عباسی مقررہ و یلے اُتے وی عدالت نہ پہنچے تے سیشن جج شاہ رخ ارجمند نے آکھیا رضوان عباسی نال مشاورت کرکے دس دین کہ او کیہ چا ہندے نیں۔خاورمانیکا دے معاون وکیل نے سیشن جج نال مکالمہ کر دیاں ہویاں آکھیا ساڈھا کیس کسی ہور عدالت ٹرانسفر کر دیو، جس اُتے جج نے ریمارکس د تے کہ عدم اعتماد دی درخواست پہلاں وی خارج ہو چکی اے، جو دسنا اے اپنے وکیل نوں دَس دیو۔خاورمانیکا نے سیشن جج نال مکالمہ کر دیاں ہو یاں آکھیا میں تہاڈے ایس کیس دا فیصلہ نہیں کروانا چا ہندا، جس اُتے جج نے استفسار کیتا ایس دی وجہ کیہاے؟ بار بار عدم اعتماد کیتا جا رہیا اے، کجھ ٹھوس وجہ اے تے دسو، کسی نہ کسی جج نے تے فیصلہ کرنا اے نا کیس دا۔کمرہ عدالت وچ شور ہون اُتے سیشن جج شاہ رخ ارجمند کیس دا فیصلہ سنائے بغیر اٹھ کے اپنے چیمبر وچ چلے گئے۔بعد وچ سیشن جج شاہ رخ ارجمند نے رجسٹرار اسلام باد ہائیکورٹ نوں خط لکھیا جس اُتے اونہاں نے دوران عدت نکاح کیس دُوجی عدالت منتقل کرن دی استدعا کر دتی۔سیشن جج شاہ رخ ارجمند نے خط وچ آکھیا اے کہ خاورمانیکا نے میرے اُتے عدم اعتمادظاہر کیتا اے، عدم اعتماد دی درخواست ایس توں پہلاں خارج کیتی جا چکی اے۔اونہاں نے خط وچ لکھیا کہ خاورمانیکا ولوں دوبارہ عدم اعتمادظاہر کرن دے بعد اپیلاں اُتے فیصلہ سنانا درست نہ ہوئے گا، اپیلاں نوں ہور کسی عدالت وچ ٹرانسفر کرن دی درخواست اے۔سیشن جج شاہ رخ ارجمند نے خط وچ ہور آکھیا کہ بانی پی ٹی آئی عمران خان تے بشری بی بی دی اپیلاں سماعت لئی مقرر سن، خاورمانیکا تے اونہاں دے وکیلاں نے ہمیشہ سماعت وچ خلل پانے دی کوشش کیتی۔