عمران خان نے پنجاب حکومت ولوں سنگین کیساں دی منظوری دا اقدام چیلنج کردتا

لہور( پنجابی میڈیا)بانی پی ٹی آئی نے پنجاب حکومت ولوں سنگین کیساں دی منظوری دا اقدام لہور ہائیکورٹ وچ چیلنج کردتا۔بانی پی ٹی آئی نے لطیف کھوسہ دی وساطت نال درخواست دائر کیتی جس وچ پنجاب حکومت ، آئی جی ، وزارت داخلہ سنے ہوراںنوں فریق بنایا گیا اے۔درخواست وچ موقف اختیار کیتا گیا کہ بانی پی ٹی آئی سابق وزیراعظم تے باعزت شہری نیں جیہڑے ایس ویلے مختلف کیساں وچ اڈیالہ جیل اندر قید نیں، پنجاب حکومت نے بانی پی ٹی آئی سنے ہور قیادت اُتے سنگین مقدمیاں دی منظوری دتی اے، پنجاب کابینہ دا ایہ اقدام آئین دے آرٹیکل 10 دی خلاف ورزی اے۔اونہاں نے استدعا کیتی کہ عدالت پنجاب حکومت ولوں سنگین مقدمیاں دی منظوری دے اقدام نوں کالعدم قرار دیوے۔