علی امین نے کل وفاق دا شکریہ ادا کرکے اج دھمکی لادتی
صوابی(بیورورپورٹ) وزیراعلی خیبر پختونخوا علی امین نے کل وفاق دا شکریہ ادا کیتا تے اج دھمکی لادتی۔وزیراعلی خیبر پختونخوا علی امین گنڈاپور نے صوابی وچ خطاب کر دیاں ہویاں آکھیاکہ بانی پی ٹی آئی نے جدوں جیل توں کال دتی تے مخالفاں دے نال اوہ کھیڈ کھیڈاں گے کہ اونہاں دی نسلاں یاد رکھن گیاں۔اونہاں نے آکھیا کہ تربیلہ توں اک بٹن بند کردتا تے ادھے پاکستان دی بجلی بند ہوجائے گی، خیبر پختونخوا وچ 22 گھنٹے دی لوڈشیڈنگ برداشت نہیں، اج عوام نے خوف دے بت توڑ دتے نیں۔
