سائفر کیس: عمران خان تے شاہ محمود دی سزا معطل، اسلام آباد ہائیکورٹ نے بری کر دتا m

اسلام آباد(بیورورپورٹ)اسلام آباد ہائی کورٹ نے سائفر کیس وچ سزا خلاف عمران خان تے شاہ محمود دی سزا معطل کر دیاں ہو یاں اونہاں نوں بری کر دتا۔ہائی کورٹ وچ سائفر کیس وچ بانی پی ٹی آئی تے شاہ محمود قریشی دی اپیلاں اُتے سماعت ہوئی، سماعت دے بعد اسلام آباد ہائیکورٹ نے فیصلہ محفوظ کیتاسی ۔سماعت دے دوران بانی پی ٹی آئی دے وکیل بیرسٹر سلمان صفدر نے دلائل د تے کہ ایس بارے کوئی دستاویز نہیں کہ اعظم خان نے سائفر بانی پی ٹی آئی نوںد تا، اگر سائفرگواچ گیا تے فیر سائفر کول رکھن دا چارج کسطرح لگ سکدا اے؟بیرسٹر سلمان صفدر نے آکھیا کہ میری درخواست اے کہ ملزماں نوں ڈسچارج کیتا جائے، عدالت وچ کسی مخصوص ملک دا نہیں دسیا گیا جس دے نال تعلقات خراب ہوئے۔چیف جسٹس نے آکھیا کہ پچھلی سماعت اُتے پراسیکیوشن ولوں آکھیا گیا سی کہ کیس نوں ٹرائل کورٹ واپس گھل دین اوس وچ خامیاں نیں، جس اُتے سلمان صفدر نے جواب دتا کہ ساہنوں ایس کیس وچ3مہینے ہو گئے نیں اسیں بوہت اگے نکل گئے ہاں، تریجی دفعہ کیس ریمانڈ بیک کرن دی کوئی وجہ نہیں بن دی۔عدالت نے سپیشل پراسیکیوٹر توںآکھیا کہ تُسی محض ایہ کہہ رہے او کہ تعلقات خراب ہو سکدے سن ، کیا صرف ایس اُتے کسی نوںسزائے موت دے سکدے او یا 10 ورھے جیل وچ رکھ سکدے او کیا تعلقات خراب ہو سکدے سن، قنون دی منشا ایہ نہیں ، بانی پی ٹی آئی نے جان بجھ کے سائفر کاپی اپنے کول رکھی اوس بارے دسو۔سپیشل پراسیکیوٹر نے آکھیا کہ گواہ مطابق بانی پی ٹی آئی نوں بار بارآکھیا گیا سائفر کاپی سے نال ایہ نہ کرن ، 342 دے بیان وچ بانی پی ٹی آئی خود من رہے نیں۔عدالت نے آکھیا کہ اگر اوہ کہہ رہے نیں تے اوس دا مطلب ایہ نہیں جان بجھ کے کہہ رہے نیں ، تُسی ثابت کرنا اے، سپریم کورٹ دا قنون واضح اے جیتھے ملزم تسلیم وی کر لئے تے پراسیکیوشن نے ثابت کرنا اے ، اگر تُسی ٹرائل کورٹ نوں کاپی وکھا د یندے تے فیر پراسیکیوشن دا کیس بن سکدا سی،جیتھے اعظم خان کہہ رہے نیں وزیر اعظم نے مینوں آکھیا ملٹری سیکرٹری تے سٹاف نوں آکھو کہ اوہ لَبھن ، تیفیر جان بجھ کے اپنے کول رکھن والی گل تے بھول جان۔عدالت نے سپیشل پراسیکیوٹر توں استفسار کیتا کہ سٹیٹ سکیورٹی کسطرح خطرے وچ پئی؟ ایس بارے دسن، اگر بانی پی ٹی آئی نے سائفر گواچ دتا تے اوس دے اثرات کیہ ہوئے؟ جدوںاسیں کوئی نہیں جان دے کہ اوس دے اثرات کیہ ہوئے تے فیر کیہ ہوئے گا؟عدالت نے استفسار کیتا کہ شہادت وچ کیتھے لکھیا ہویاکہ قنون وچ وی کہ سائفر دی کاپی واپس کرنا سی۔ ریکارڈ اُتے ایسا کجھ نہیں کہ بانی پی ٹی آئی اوس دے اثرات توں آگاہ سن، تہاڈے جیہڑے رولز بک نیں اوس تک مخصوص لوگ ہی رسائی حاصل کر سکدے نیں، جرم تُسی پورا ثابت کرنا ہندا اے،چھیتی وچ نا کرا ندے تے آرام آرام نال کرا لیندے تے ایہ سب کجھ ٹھیک ہو جاندا۔چیف جسٹس نے آکھیا کہ کیا دنیا وچ کوئی جسٹیفائی کر سکدا اے کہ دوپہرنوں 342 دا بیان مکمل ہُندا اے تے 77 صفحے دا فیصلہ آجاندا اے،تُسی وی کہہ سکدے سو تُسی وی غیر معمولی تیزیوکھائی۔جس دے بعد اسلام آباد ہائیکورٹ میں سائفر کیس دی سماعت کرن والا بنچ اُٹھ کے چیمبر چلا گیا، چیف جسٹس عامر فاروق نے آکھیا کہ اسیں 10، 15 منٹ وچ واپس آ رہے نیں، عدالت نے ریمارکس دتے کہ اسیں لکھاں گے ایہ آئیڈیل ٹرائل سی اوس توں بہتر ٹرائل ہو ہی نہیں سکدا، ساڑھے 3 مہینے کیس سن سن کے ہُن تے میرے سٹاف نوں وی یاد ہو چکیا ہوئے گا۔بعد وچ عدالت نے سائفر کیس دامحفوظ کیتا گیا فیصلہ سنا دتا، جس وچ عمران خان تے شاہ محمود قریشی دی سزا خلاف اپیلاں منظور کر دیاں ہویاں کیس توں بری کردتا۔