اعظم خان نے سائفر بانی پی ٹی آئی نوں دتا، ایس بارے کوئی دستاویز نہیں، بیرسٹرسلمان صفدر

اسلام آباد(بیورورپورٹ)اسلام آباد ہائی کورٹ وچ سائفر کیس وچ بانی پی ٹی آئی تے شاہ محمود قریشی سی سزا خلاف اپیلاں اُتے سماعت جاری اے ۔اسلام آباد ہائی کورٹ وچ سائفر کیس وچ بانی پی ٹی آئی تے شاہ محمود قریشی دی سزا خلاف اپیلاں اُتے چیف جسٹس عامرفاروق تے جسٹس میاں گل حسن اورنگزیب اُتے مشتمل ڈویژن بنچ سماعت کررہیا اے، وکیل بیرسٹر سلمان صفدر،بیرسٹر تیمور ملک تے ہور عدالت وچ پیش ہوئے جدکہ ایف آئی اے پراسیکیوٹر ذوالفقار نقوی غیر حاضر رہے۔بانی پی ٹی آئی دے وکیل بیرسٹرسلمان صفدر نے دلائل شروع کر دیاں ہویاںآکھیا کہ اعظم خان نے سائفر بانی پی ٹی آئی نوں دتا، ایس بارے کوئی دستاویز نہیں، جس اُتے چیف جسٹس نے آکھیا کہ ایس بارے تے تہاڈے کلائنٹ دااپنا اعتراف وی موجود اے، بیرسٹر سلمان صفدر نے آکھیا کہ ایہ تے پراسیکیوشن دی ذمہ داری اے کہ اوہ ایہ گل ثابت کرن، قنون بڑا واضح اے ایس حوالے نال سپریم کورٹ دے فیصلے موجود نیں ، واضح رہے کہ ایس سال 30 جنوری نوں سائفر کیس وچ عمران خان تے شاہ محمود قریشی نوں 10، 10 سال قید بامشقت دی سزا سنائی گئی سی۔