پاکستان بارکونسل دی چیف جسٹس نوںبنچ توںوَکھ کرن دے مطالبے دی مذمت

اسلام آباد(بیورورپورٹ)پاکستان بار کونسل نے سنی اتحاد کونسل دی مخصوص نشستاں دے کیس وچ چیف جسٹس پاکستان قاضی فائز عیسی دے بنچ توںوَکھ ہون دے مطالبے دی مذمت کیتی اے۔اعلامیے وچ آکھیا گیا اے کہ پی ٹی آئی دا چیف جسٹس قاضی فائز عیسی توں کیس نہ سنن دا مطالبہ قابلِ مذمت اے۔پاکستان بار کونسل دے اعلامیے مطابق پی ٹی آئی دا ایہ مطالبہ چیف جسٹس پاکستان قاضی فائز عیسی نوں دباو وچ لیان دے مترادف اے۔اعلامیے وچ ہورآکھیا اے کہ چیف جسٹس قاضی فائز عیسی اک ایماندار تے انتہائی قابل جج نیں، وکلا برادری چیف جسٹس قاضی فائز عیسی سنے پوری عدلیہ دے نال کھڑی اے۔