آزادی مارچ کیس: عمران خان تے شاہ محمود قریشی 2 مقدمیاں وچ بری

اسلام آباد(بیورورپورٹ)عدالت نے آزادی مارچ دے دوران توڑ پھوڑ تے دفعہ 144 دی خلاف ورزی دے 2 مقدمیاں وچ عمران خان تے شاہ محمود قریشی نوں بری کر دتا۔ڈسٹرکٹ اینڈ سیشن کورٹس اسلام آباد وچ پی ٹی آئی قیادت خلاف آزادی مارچ دے دوران توڑ پھوڑ تے دفعہ 144 دی خلاف ورزی اُتے درج مقدمیاں دی سماعت ہوئی۔علی محمد خان تے اسد عمر اپنے وکیل نعیم حیدر پنجوتھا، سردار مصروف ایڈووکیٹ تے آمنہ علی ایڈووکیٹ دے ہمراہ عدالت وچ پیش ہوئے۔جوڈیشل مجسٹریٹ احتشام عالم نے بریت دی درخواستاں اُتے فیصلہ سنایا تے عمران خان، شاہ محمود قریشی سنے اسد عمر ،علی محمد خان، مراد سعید نوں وی مقدمیاں توں بری کر دتا۔یاد رہے کہ بانی پی ٹی آئی عمران خان، شاہ محمود قریشی تے ہور رہنماواں دے خلاف تھانہ گولڑہ وچ2مقدمے درج سن۔