خان نہیں تے پاکستان نہیں کہن والے کسی ہور ملک چلے جان،عطا تارڑ

اسلام آباد(بیورورپورٹ)وفاقی وزیر اطلاعات عطا اللہ تارڑ نے آکھیا کہ نواز شریف نے کَدی ملک توڑن دی گل نہیں کیتیی تے خان نہیں تے پاکستان نہیں کہن والے کسی ہور ملک چلے جان۔ لہور وچ پریس کانفرنس کر دیاں ہویاں عطا تارڑ نے آکھیا کہ وزیراعظم کل وفد دے ہمراہ چین جا رہے نیں جیتھے اونہاں دی چینی صدر تے چینی وزیراعظم دے نال ملاقات ہوئے گی، وزیراعظم مختلف تجارتی شعبیاں وچ ودھا لئی ملاقاتاں کرن گے تے آئی ٹی دے شعبے وچ مختلف چینی کمپنیاں دے حکام نال وی ملاقاتاں کرن گے۔اونہاں نے آکھیا کہ پاکستانی معیشت وچ بہتری لئی چین دا دورہ اہم ثابت ہوئے گا، دورہ چین نال سی پیک منصوبے دے نواں فیز شروع ہوئے گا جَد کہ پاکستان دا تجارتی وفد چین وچ بزنس ٹو بزنس معاہدیاں نوں حتمی شکل دیوے گا، ایس دوران مختلف ایم او یوز سائن وی ہون گے۔