سابق صدر عارف علوی نوں میاں محمود نال اسپتال وچ ملاقات دی اجازت نہ ملی

لہور(پنجابی میڈیا)سابق صدر مملکت تے پی ٹی آئی رہنما عارف علوی پارٹی رہنما محمود الرشید دی عیادت لئی سروسز اسپتال پہنچے مگر پلس نے اونہاں نوں ملاقات دی اجازت نہیں دتی۔ سابق صدر عارف علوی میاں محمود الرشید نال ملاقات لئی پہنچے تو پلس نے سابق صدر توں آکھیا کہ محمود الرشید جوڈیشل کسٹڈی وچ نیں تے متعلقہ حکام دی اجازت بغیر ملاقات نہیں کرائی جاسکدی۔ایس موقع پر سابق صدر عارف علوی نے آکھیا کہ اخلاقی طور اُتے اجازت اے، اگر تُسی ملاقات کرادیوں تے شکریہ مگر پنجاب پلس توں کوئی فیور نہیں لینی۔عارف علوی نے ہورآکھیا کہ محمود الرشید تحریک انصاف دا اثاثہ نیں، پوری جماعت مشکل دی ایس گھڑی وچ اونہاں دے نال اے۔