حمود الرحمان کمیشن دی رپورٹ نال فوج، سیاست داناںنوں سیکھنا چا ہیدا اے، عارف علوی

لہور(پنجابی میڈیا)پی ٹی آئی دے سینئر رہنما تے سابق صدر ڈاکٹر عارف علوی نے آکھیا کہ پی ٹی آئی ورکراں خلاف بے بنیاد مقدمے بنائے گئے، جوڈیشری نوں قنون دے نال کھڑے ہون اُتے سلام پیش کردا ہاں، انصاف سب لئی اک جیہا ہونا چاہیدا۔سابق صدر عارف علوی نے میڈیا نال گل بات کر دیاں ہویاںآکھیا کہ موجودہ کیفیت توں ملک نوں نکلنا چا ہیدا اے، حمود الرحمان کمیشن دی رپورٹ توں فوج، سویلین، سیاست داناں نوں سکھنا چا ہیدا، غیرمناسب کیفیت توں پیچھے ہٹنا چا ہیدا ارباب اختیار سوچن تے ایس معاملے اُتے پیشرفت کرن، سارے ادارے بند گلیاں وچ چلے گئے، اونہاں بند گلیاں توںباہرنکلن۔سابق صدر نے ہورآکھیا کہ ملک نوں تعمیر تے گروتھ دی لوڑ اے، معاملات بغیر گل بات دے اگے نہیں چل سکدے، اگرگل بات نالاخبارااں ذریعے کرنی اے تے فیر کیہ گل ہوئے گی؟ جیہڑے جیل وچ اے اوس نوں آکھیا جارہیا اے کہ معافی منگ لواونہاں نے آکھیا کہ کسی جج نوں پیچھے ہٹن دا کہنا تحریک انصاف دا حق اے، وزیراعظم حلف چُکدا اے کہ جیہڑیاں چیزاں قومی مفاد وچ ہوں گیاں اوس نوں اوپن کراں گا۔