چین دی پاکستان دے نال دوستی لازوالاے:وزیراعظم شہبازشریف

لہور(پنجابی میڈیا)وزیراعظم شہباز شریف نے آکھیا اے کہ چین دی پاکستان دے نال دوستی لازوال اے۔دورہ چین اُتے روانگی توں پہلاں وزیراعظم شہباز شریف دا کہنا سی کہ مینوں بے حد خوشی ہو رہی اے کہ اج چین دے دورے اُتے جا رہیا ہاں، چین دی پاکستان دے نال دوستی لازوال دوستی اے،اسیں دوناں ملک اک دُوجے اُتے اعتبار کر دے ہاں۔اونہاں نے آکھیا کہ چین دے نال پاکستان دا تعلق اک ہمسایے دا اے، چین نے ہر مشکل و یلے پاکستان دا غیر مشروط ساتھ دتا، چاہیے طوفان، جنگ تے مشکلاں آئیاں چین نے بھائیاوں ونگوں ساتھ نبھایا، سارے معاملیاں وچ پاکستان چین دے نال اے۔شہباز شریف دا کہنا سی کہ نوازشریف دے پچھلے دور وچ چین دے نال پاکستان دی دوستی تے تعلق نویں دور وچ داخل ہوئی، چین پاکستان دا ایسا دوست اے جس دی مثال ملنا مشکل اے، چین سے نال پاکستان دا تعلق 75ورھیاں توں اے ، سی پیک ذریعے پاکستان وچ 145ارب ڈالر دی سرمایہ کاری دا پربندھ کیتا گیا اے۔اونہاں نے آکھیا کہ ایس نویں باب دے شروع توںپاکستان وچ بجلی دے اندھیرے چھٹ گئے، میرا ایہ دورہ دوناں ملکاں دی دوستی دی اک ہور اُچے پاسے دا تعین کرے گا، ایس دورے وچ سی پیک نوں نویں دور وچ داخل کراں گے۔وزیراعظم دا کہنا سی کہ سی پیک فیز ٹو وچ صنعتاں دے قیام تے حکومت توں حکومت دے وچکار وڈھے منصوبیاں اُتے غور ہوئے گا، دورے دے دوران بزنس ٹو بزنس رابطے وچ بہتری لیان لئی گل بات ہوئے گی، چین دے صدر شی جن پنگ اک ویژنری رہنما نیں، تائیوان نوں پاکستان چین دا ٹوٹ انگ سمجھدا اے۔