اسلام آباد ہائیکورٹ نے پی ٹی آئی دادفتر فوری ڈی سیل کرن دا حکم دے دتا

اسلام آباد(بیورورپورٹ)اسلام آباد ہائیکورٹ نے پی ٹی آئی دا دفتر فوری ڈی سیل کرن دا حکم دے دتا۔اسلام آباد ہائیکورٹ دی جسٹس ثمن رفعت امتیاز نے محفوظ فیصلہ جاری کیتا جس وچ عدالت نے آکھیا کہ سی ڈی اے نے 2022 تے23 وچ سابقہ مالک نوں نوٹس جاری کیتا تے اوس دی کوئی وضاحت پیش نہیں کیتی جا سکی کہ پرانے مالک نوںکیوں نوٹس گھلے جاندے رہے۔عدالتی فیصلے وچ آکھیا گیا اے کہ نوٹس یا شوکاز نوٹس دے سروس دی کوئی رسید ریکارڈ اُتے نہیں، سی ڈی اے دا دفتر سیل کرن دا آرڈر وی پی ٹی آئی نوں نہیں لکھا گیا تے نہ کاپی گھلی گئی۔عدالت نے پی ٹی آئی سیکرٹریٹ نوں فوری ڈی سیل کرن دا حکم د یندیاں ہویاںآکھیاکہ اگر کدھرے قنون دی خلاف ورزی ہوئی تے سی ڈی اے کارروائی کر سکدا اے۔