عدلیہ مخالف بیان اُتے مصطفی کمال نے غیر مشروط معافی منگ لئی
کراچی(بیورورپورٹ)عدلیہ مخالف بیان اُتے ایم کیو ایم پاکستان دے رہنما مصطفی کمال نے غیر مشروط معافی منگ لئی ۔مصطفی کمال نے سپریم کورٹ کراچی رجسٹری وچ بیان حلفی جمع کرا دتا۔بیان حلفی وچ مصطفی کمال نے آکھیا کہ بالخصوص اعلی عدلیہ دے ججاں دا دلوں احترام کردا ہاں، عدلیہ تے ججاںدے اختیار تے ساکھ بدنام کرن دا تصور وی نہیں کر سکدا۔مصطفی کمال دا کہنا اے کہ عدلیہ بارے اپنے بیان اُتے بالخصوص 16مئی دی پریس کانفرنس اُتے غیرمشروط معافی چاہندا ہاں، معزز عدالت توں معافی دی درخواست تے خود نوں عدالت دے رحم و کرم اُ تے چھڈ دا ہاں۔واضح رہے کہ سپریم کورٹ نے سینیٹر فیصل واوڈا تے مصطفی کمال نوں عدلیہ مخالف بیان دین اُتے توہین عدالت دا نوٹس جاری کیتا سی۔
